శ్రీ దుర్గా ఆపదుద్ధార స్తోత్రం

నమస్తే శరణ్యే శివే సానుకంపే నమస్తే జగద్వ్యాపికే విశ్వరూపే
నమస్తే జగ ద్వంద్య పాదారవిందే! నమస్తే జగత్తారిణి త్రాహి దుర్గే ||
నమస్తే జగ చ్చింత్యమాన స్వరూపే| నమస్తే మహ యోగిని ఙానరూపే
నమస్తే నమస్తే సదానంద రూపే|నమస్తే జగత్తారిణి త్రాహి దుర్గే
అనాథస్య దీనస్య తృష్ణాతురస్య| భయార్తస్య బ్భీతస్య బద్ధస్య జంతోః |
త్వ మేకా గతి ర్దేవి నిస్తారకర్తీ | నమస్తే జగత్తారిణి త్రాహి దుర్గే||
అరణ్యే రణే దారుణే శత్రుమధ్యే| అనలే సాగరే ప్రాంతరే రాజగేహే
త్వమేకా గతి ర్దేవి నిస్తారనౌకా | నమస్తే జగత్తారిణి త్రాహి దుర్గే
అపారే మహాదుస్తరే అత్యంతఘోరే|విపత్సాగరే మజ్జతాం దేహభాజం
త్వమేక గతి ర్దేవి నిస్తారహేతు|నమస్తే జగత్తారిణి త్రాహి దుర్గే
నమశ్చండికే చండ దుర్గండ లీలా | సముత్ఖండితా శెష శత్రో|
త్వమేకా గతి ర్దేవి నిస్తారబీజం| నమస్తే జగత్తారిణి త్రాహి దుర్గే
త్వమే వాఘభావా ధృతాసత్యవాదీ| ర్నజాతా జితా క్రోధనా త్క్రోధ నిష్ఠా|
ఇడా పింగళా త్వం సుషుమ్నా చ నాడీ |నమస్తే జగత్తారిణి త్రాహి దుర్గే
నమో దేవి దుర్గే శివే భీమనాదే| సరస్వ త్యరుంధ త్యమోఘ స్వరూపే|
విభూతిః శుచిః కాలరాత్రిః సతీత్వం | నమస్తే జగత్తారిణి త్రాహి దుర్గే
శరణమసి సురాణాం సిద్ధ విద్యాధరణాం| ముని మనుజ పశూనాం దస్యుభిస్త్రాసితానాం |
నృపతి గృహ గతానం వ్యాధిభిః పీడితానాం | త్వ మసి శరణమేకా దేవి దుర్గే ప్రసీద||
ఇదం స్తోత్రం మయా ప్రోక్త మాపదుద్ధార హేతుకం|
త్రిసంధ్య మేకసంధ్యం వా పఠనాత్ ఘోరసంకటాత్ ||
ముచ్యతే నాత్ర సందేహో భువి స్వర్గే రసాతలే|
సర్వం వా శ్లోక మేకం వా యః పఠే ద్భక్తి మా న్సదా||
స సర్వం దుష్కృతం త్యక్త్వా ప్రాప్నోతి పరమం పదం|
పఠనా దస్య దేవేసి కిం న సిద్ధ్యతి భూతలే|
స్తవరాజ మిదం దేవి సంక్షేపా త్కథితం మయా||

ఝణఝణఝింఝిమిఝింకృతనూపురశింజితమోహితభూతపతే

అయి గిరినందిని నందితమేదిని విశ్వవినోదిని నందనుతే
గిరి వరవింధ్యశిరోధినివాసిని విష్ణువిలాసిని జిష్ణునుతే
భగవతి హే శితికంఠకుటుంబిణి భూరికుటుంబిణి భూరికృతే
జయ జయ హే మహిషాసురమర్దిని రమ్యకపర్దిని శైలసుతే

సురవరహర్షిణి దుర్ధరధర్షిణి దుర్ముఖమర్షిణి హర్షరతే
త్రిభువనపోషిణి శంకరతోషిణి కిల్బిషమోషిణి ఘోషరతే
దనుజనిరోషిణి దితిసుతరోషిణి దుర్మదశోషిణి సింధుసుతే
జయ జయ హే మహిషాసురమర్దిని రమ్యకపర్దిని శైలసుతే

అయి జగదంబ మదంబ కదంబవనప్రియవాసిని హాసరతే
శిఖరిశిరోమణి తుంగ హిమాలయశృంగనిజాలయ మధ్యగతే
మధుమధురే మధుకైతభగంజిని కైతభభంజిని రాసరతే
జయ జయ హే మహిషాసురమర్దిని రమ్యకపర్దిని శైలసుతే

అయి శతఖండ విఖండితరుండ వితుండితశుండ గజాధిపతే
రిపుగజగండ విదారణచండ పరాక్రమశుండ మృగాధిపతే
నిజ భుజదండ నిపాటితఖండ విపాటితముండ భటాధిపతే
జయ జయ హే మహిషాసురమర్దిని రమ్యకపర్దిని శైలసుతే

అయి రణ దుర్మదశత్రువధోదిత దుర్ధరనిర్జర శక్తిభృతే
చతురవిచార ధురీణమహాశివదూతకృత ప్రమతాధిపతే
దురిత దురీహ దురాశయ దుర్మతి దానవదూత కృతాంతమతే
జయ జయ హే మహిషాసురమర్దిని రమ్యకపర్దిని శైలసుతే

అయి శరణాగత వైరివధూవర వీరవరాభయ దాయికరే
త్రిభువన మస్తకశూలవిరోధి శిరోధికృతామల శూలకరే
దుమి దుమి తామర దుందుభినాదమహోముఖరీకృత తిగ్మకరే
జయ జయ హే మహిషాసురమర్దిని రమ్యకపర్దిని శైలసుతే

అయి నిజ హుంకృతి మాత్రనిరాకృత ధూమ్రవిలోచన ధూమ్రశతే
సమరవిశోషితశోణితబీజసముద్భవశోణితబీజలతే
శివ శివ శుంభ నిశుంభమహాహవతర్పిత భూతపిశాచరతే
జయ జయ హే మహిషాసురమర్దిని రమ్యకపర్దిని శైలసుతే

ధనురనుసంగరరక్షణసంగపరిస్ఫురదంగనటత్కటకే
కనకపిశంగ పృషత్కనిషంగ రసద్భటశృంగ హటావటుకే
కృత చతురంగబలక్షితిరంగ ఘటద్బహురంగ రటద్వటుకే
జయ జయ హే మహిషాసురమర్దిని రమ్యకపర్దిని శైలసుతే

సురలలనాత తథేయి తధేయి తథాభినయోత్తమనృత్యరతే
హాసవిలాసహులాసమయి ప్రణతార్తజనేమితప్రేమభరే
ధిమికిటధిక్కటధిక్కటధిమిధ్వనిఘోరమృదంగనినాదలతే
జయ జయ హే మహిషాసురమర్దిని రమ్యకపర్దిని శైలసుతే

జయ జయ జప్య జయేజ్ఞయశబ్దపరస్తుతితత్పర విశ్వనుతే
ఝణఝణఝింఝిమిఝింకృతనూపురశింజితమోహితభూతపతే
నటితనటార్ధనటీనటనాయకనాటితనాట్య సుగానరతే
జయ జయ హే మహిషాసురమర్దిని రమ్యకపర్దిని శైలసుతే

అయి సుమనసుమనసుమనసుమనసుమనోహర కాంతియుతే
శ్రితరజనీరజనీరజనీరజనీరజనీకర వక్త్రవృతే
సునయనవిభ్రమరభ్రమరభ్రమరభ్రమరభ్రమరాధిపతే
జయ జయ హే మహిషాసురమర్దిని రమ్యకపర్దిని శైలసుతే

మహితమహాహవమల్లమతల్లిక మల్లిత రల్లక మల్లరతే
విరచిత వల్లికపల్లికమల్లికఝిల్లికభిల్లికవర్గవృతే
సృతకృతఫుల్లసముల్లసితారుణతల్లజపల్లవసల్లలితే
జయ జయ హే మహిషాసురమర్దిని రమ్యకపర్దిని శైలసుతే

అవిరళగండగళన్మదమేదురమత్తమతంగజరాజగతే
త్రిభువనభూషణభూతకళానిధిరూపపయోనిధిరాజసుతే
అయి సుదతీజనలాలసమానసమోహనమన్మధరాజమతే
జయ జయ హే మహిషాసురమర్దిని రమ్యకపర్దిని శైలసుతే

కమలదళామలకోమలకాంతిబలాకలితాతులఫాలతలే
సకలవిలాసకళానిలయక్రమకేళికలత్కలహంసకులే
అలికులసంకులకువలయమండలమౌళిమిలద్వకులాలికులే
జయ జయ హే మహిషాసురమర్దిని రమ్యకపర్దిని శైలసుతే

కలమురళీరవవీజితకూజితలజ్జితకోకిలమంజుమతే
మిలితమిలిందమనోహరగుంజితరాజితశైలనికుంజగతే
నిజగణభూతమహాశబరీగణరంగణసంభృతకేళితతే
జయ జయ హే మహిషాసురమర్దిని రమ్యకపర్దిని శైలసుతే

కటితటపీతదుకూలవిచిత్రమయూఖతిరస్కృతచంద్రరుచే
ప్రణతసురాసురమౌళిమణిస్ఫురదంశులసన్నఖసాంద్రరుచే
జితకనకాచలమౌళిపదోఝితదుర్ధరనిర్ఝరతున్డకుచే
జయ జయ హే మహిషాసురమర్దిని రమ్యకపర్దిని శైలసుతే

విజితసహస్రకరైకసహస్రకరైకసహస్రకరైకనుతే
కృతసురతారకసంగరతారకసంగరతారకసూనునుతే
సురథసమానసమాధిసమానసమాధిసమానసుజాతరతే
జయ జయ హే మహిషాసురమర్దిని రమ్యకపర్దిని శైలసుతే

పదకమలం కరుణానిలయే వరివస్యతి యోనుదినం న శివే
అయి కమలే కమలానిలయే కమలానిలయస్స కధం న భవేత్
తవ పదమేవ పరం పదమిత్యనుశీలయతో మమ కిం న శివే
జయ జయ హే మహిషాసురమర్దిని రమ్యకపర్దిని శైలసుతే

కనకలసత్కలశీకజలైరనుషి..తి తెఢ్గణరంగభువం
భజతి స కిం ను శచీకుచకుంభతటీపరిరంభసుఖానుభవం
తవ చరణం శరణం కరవాణి నతామర వాణి నివాశి శివే
జయ జయ హే మహిషాసుర మర్దిని రమ్య కపర్దిని శైలసుతే

తవ విమలేందు కలం వదనేందు మలం సకలం ననుకూలయతే
కిము పురుహూత పురీందు ముఖీ సుముఖీ భిరసౌ విముఖీ క్రియతే
మమ తు మతం శివ నామ ధనే భవతీ కృపయా కుముత క్రియతే
జయ జయ హే మహిషాసుర మర్దిని రమ్య కపర్దిని శైలసుతే

అయి మయి దీన దయాళు తయా కృప యైవ త్వయా భవితవ్య ముమే
అయి జగతో జననీ కృపయాసి యథాసి తథాను మితాసిరతే
యదుచిత మత్ర భవ త్యురరీ కురుతా దురుతాప మపా కురుతే
జయ జయ హే మహిషాసుర మర్దిని రమ్య కపర్దిని శైలసుతే

Source :"http://te.wikipedia.org/wiki/
Image courtesy : Google search engine

Raamaa

రామాన్నాస్తిపరాయణం పరతరం రామస్య దాసోస్మ్యహం
రామే చిత్తలయః స్సదా భవతు మే భో రామ మాముధ్దర

బాబా

శ్రద్ధ సాబురి ? ఓర్పు,నమ్మకం,ఇంకా ఎన్నాళ్ళు తండ్రీ ?
Please don't cause me this mental stress. Solve our problems Baba. Bless good health and happiness to all of us